海底奇兵2

故事發生在上集的一年後，小丑魚馬倫 Marlin 與兒子 Mo 仔 Nemo，陪老友多莉 Dory 遠赴加州海岸線尋親，聯同一班新朋友，齊齊經歷一場刺激的海底大冒險。上一次歷險歸來，失魂魚多莉本來跟住馬倫和 Mo 仔兩父子安安樂樂過日子，但一次目睹魔鬼魚大遷徙行動，竟然令無乜記性的多莉突然閃現零碎回憶片段，意識到自己與父母失散多年，於是決心展開尋親大行動，仲拉埋馬倫和 Mo 仔落水，一齊向加州海岸進發，仲有鯨鯊沙汾妹、白鯨比利、 七爪魚阿亨等一大班新朋友傍住歷險，仲有歌神張學友驚喜客串！最終多莉能否揭開身世之謎？定係轉個頭又再乜都唔記得晒？